【網店營運攻略】搵網店倉存物流有咩要注意？
網店物流倉存可能係網店店主成日要苦惱嘅嘢，而第三方網店物流公司（3PL）正正就可以比店主專注喺業務發展既同時減少日常運作帶嚟嘅煩惱。既然3PL公司咁好，喺選擇3PL合作夥伴嘅時候店主又有啲咩需要注意嘅呢？
1) 明確計劃
首先要確保自己對網店業務未來發展有明確嘅計劃，再根據你嘅計劃選擇合適嘅3PL合作，例如有冇打算開拓新嘅市場？有冇已經制定任何計劃？你嘅銷售額係咪持續增長緊？增長速度如何？6個月後你需要多少空間?
2) 良好溝通
為咗令3PL公司提供更合適嘅服務，店主應該同3PL公司保持良好溝通，等佢哋了解你嘅需要，從而提供一個更適合嘅倉存物流計劃俾你，例如根據你嘅存貨同出入貨數量建議你需要嘅儲存空間同物流計劃。
3) 了解物流
每間物流公司嘅價錢同效率都可以好唔同，有啲3PL公司會有自己嘅物流車隊而有啲就同本地物流公司合作。想知道邊種物流方法或者邊間物流公司最啱自己，不妨做多啲資料蒐集比較下自家物流車隊同本地物流公司服務承諾同運費上嘅分別，選擇最適合自己嘅物流方案。
4) 熟習系統
每間3PL公司都有自己嘅客戶系統，要熟習系統嘅運作先可以為你帶嚟最大嘅效益。除咗了解系統喺存倉上嘅基本功能，仲可以睇吓佢仲有冇其他進階功能幫到你嘅業務發展。Kube嘅Client Portal除咗可以俾你做到即時嘅庫存管理之外，仲有提供詳細嘅銷售數據分析等你可以同時做埋銷售管理，幫助業務發展。
5) 貨物入倉
貨物嘅標籤就係為咗識別佢嘅SKU，如果每一件貨物都有SKU識別就可以大大減低上架同出貨嘅出錯機會。不過就算你嘅貨物來貨嘅時候冇barcode都唔緊要， Kube可以幫你嘅貨物整返個獨有嘅barcode ，咁就可以避免上架同出貨時撈亂件貨嘅失誤啦。
6) 客製化包裝
網店競爭越嚟越激烈，想突圍而出網店店主就要諗下辦法，喺產品包裝方面着手去客製化可能會係一個幾好嘅方法。店主可以選擇一啲具吸引力而且令人耳目一新嘅包裝，甚至可以喺每個包裝入面都加一張感謝咭仔為顧客帶來小驚喜，建立網店嘅形象。不過最重要嘅都係同你嘅3PL公司好好溝通你想做到嘅包裝效果，務求達致最佳效果。
Related posts
