【網店營運攻略】幾時先係使用第三方網店物流服務嘅適合時機？
當網店生意開始上咗軌道，訂單同要處理嘅事情開始越嚟越多，店主就需要定期審視人力物力同資源上嘅分配。到底你嘅網店倉存物流資源能唔能夠配合網店嘅業務增長？如果有困難而又想外判俾第三方網店物流服務公司，咩時機先係最適合？如果以下呢六個問題店主們都曾經有疑惑過嘅話，可能而家就會係一個適合嘅時機。
1) 人力資源不足
即使係網店都可能會有分旺季同淡季，旺季忙起上嚟一時之間好難增加人手處理突然增加嘅訂單、包裝、物流同客戶相關嘅服務。就算可以請到足夠人手去處理，但係成本同支出都好高，大大降低你網店嘅銷售利潤。
- 如果店主經常遇到人力資源不足所造成嘅困難，外判你嘅倉存同物流可能會係一個更好嘅選擇。
2) 資源錯配
唔少店主每日用大量時間同心機擺落網店物流同營運上嘅決策，例如考慮優先處理邊啲訂單、貨物嘅包裝同安排物流面交等等。然而，網店資源同人力有限，店主應該將資源主要放喺發展業務或營銷相關嘅決策上，而唔係花大量時間處理日常運作嘅決策。
- 如果處理日常運作嘅時間同資源已經開始多過業務發展方面，咁就係時候解決資源錯配呢個大問題啦。
3) 效率下降
銷售旺季對網店營運嚟講係一個幾好嘅壓力測試，當訂單數量太增時，你的網店仲可唔可以保持到準時發貨？可唔可以係合理嘅工作時間內處理訂單？
- 如果你嘅網店營運效率有隨著需要的增加而下降，呢樣指標清楚顯示網店未來的業務增加會為你嘅營運帶嚟壓力。
4) 成本效益下降
倉存租金物流開支佔咗網店成本嘅一大部分， 若計算同等貨量，中小型電商通常比大企業支付更昂貴嘅倉存物流費用。
- 如果你嘅倉存物流支出成為網店嘅痛點，你應該要嘗試外判俾第三方網店物流服務公司嚟增加成本效益。
5) 硬件配套落後
網店業務增長到一定程度嘅時候必然增加倉存物流需求，你會選擇租用更大的倉存空間？喺自己嘅地方為倉庫騰出空間？定係建造一個全新嘅倉庫？
- 如果你現時嘅倉庫設置唔足以應付未來業務發展時，一個更好嘅替代方案可能會喺將存倉物流外判，咁就唔使將資金綁定喺倉庫物流上。
6) 客戶期望落差
網店訂單越嚟越多嘅時候，人為失誤或者係無可避免。處理訂單同發貨中的出錯或延遲會大大影響網店嘅聲譽同客人的滿意度。
- 如果你發現網店營運多咗出錯而導致客人的負面評價增加，證明你的網店或者需要外來幫助改善營運。
如果店主們都曾經有疑惑過呢啲問題，而家就係一個適合嘅時機搵第三方網店物流服務公司合作。即刻聯絡Kube了解我哋可以點幫到你！
Related posts
